Парк Геун-Хје со порака до Севернокорејците: Пребегајте кај нас

Претседателката на Јужна Кореја Парк Геун-Хје ги повика Севернокорејците да ја напуштат својата држава и да пребегаат во Јужна Кореја кога сакаат.

Апелот е упатен само еден ден откако севернокорејски војник така постапи минувајќи ја силно обезбедената граница меѓу двете држави.

Парк ги повика да се преселат во „срцето на слободата“ на јужниот дел од полуостровот.

– Свесни сме за страшната реалност со која се соочувате. Универзалните вредности – слободата, демократијата, човековите права се драгоцени права што треба да ги имате, нагласи таа во говор по повод Денот на оружените сили на Јужна Кореја.