Папата се моли за жителите на филипинскиот остров Минданао

Папата Франциск изјави дека се моли за населението на Минданао, филипински остров, кој настрада од поплави и лизгање на земјиштето.

Во денешното обраќање кон присутните на плоштадот „Свети Петар", неколку часа пред литургијата за Бадник, папата рече дека бурата „предизвика бројни жртви и големи разурнувања".

Светиот отец истакна дека сака да го увери населението на Минданао дека се моли за него, дека се моли „милостив Бог да ги прифати душите на загинатите и да ги утеши сите, кои страдаат од оваа катастрофа".

-Да се ​​помолиме за овие луѓе, ги повика тој насобраните на плоштадот.

Во невремето кое го зафати овој филипински остров, загинаа повеќе од 120 луѓе, а околу 160 се водат за исчезнати.