Папата доби покана да ја посети Индонезија

Министерот за религиски прашања на Индонезија, Лукман Хаким денеска официјално го покани поглаварот на Католичката црква да ја посети Индонезија.
Поканата му е врачена на државниот секретар на Ватикан, Пјетро Паролин, кој се наоѓа во посета на најбројната муслиманска нација, но во која меѓу 256 милиони жители има најмалку седум милиони католици.
Според вообичаената дипломатска пракса, ова значи дека ватиканскиот поглавар ќе допатува во Индонезија во блиска иднина. Во овој дел на светот во почетокот на годинава папата Франциско претстојуваше во Јужна Кореја и на Филипините.
Министерот Лукман изјави дека со папата во Индонезија ќе се разговара за охрабрување на меѓуверскиот дијалог во Индонезија.
Оваа држава се до појавата на порадикални муслимански кругови кон крајот на минатиот век, чии активности ги финансираа Либија, Саудиска Арабија и Малезија, беше пример за меѓуверска толеранција. Во поголемите градови на Индонезија има бројни семејства чии членови, без проблеми, поединечно практкуваат исламска, катаоличка или будистичка вера.
Покрај другото, во центарот на главниот град Џакарта во непосредна близина на една од најголемите џамии во Азија се наоѓа и најголемата католичка црква на овој континент.
Досега немало никаков инцидент предизвикан од ваквото верско окружување во Џакарта.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
