Палестинците ги напуштаат населбите во близина на Појасот Газа поради израелските напади

Палестинците кои живеат покрај северната и источната граница на Појасот Газа почнале денеска да ги напуштаат своите домови поради жестоките израелски бомбардирања.

Палестинските семејства настојуваат да се заштитат во времени засолништа во Појасот Газа додека траат артилериските напади во северниот дел на Газа со цел да се уништи мрежата на тунели кои ги ископале екстремистите.

Тие напади би можеле да претходат на потенцијална копнена операција.

Семејствата заминувале со камиони и пеш до училиштата со кои раковадат ОН, носејќи со себе цела покуќнина.

Во воениот извештај е наведено дека 160 авиони симултано извршиле синоќа напади врз тунелите ископани под Појасот Газа и тоа е најголемиот удар од почетокот на судирите во понеделникот.