Овации за „Среќен крај“ на Битолскиот театар во Израел
Со силен аплауз и овации беа поздравени актерите на Народниот театар од Битола кои синоќа во израелскиот град Акре ја изведоа претставата „Среќен крај“ во режија на Благој Мицевски.
Претставата која беше прикажана во рамките на 36-тото издание на Меѓународниот театарски фестивал „АККО“, наиде на голем интерес кај многубројната публика, меѓу кои беа и претставници од македонската амбасада во Израел, театарската критика, како и авторот на текстот Иддо Нетанјаху кој не го криеше задоволството од успешниот настап на актерите од Битолскиот театар.
Поради огромниот интерес за проследување, претставата „Среќен крај“ која обработува една семејна драма во 30-тите години во Берлин, и вечерва ќе биде одиграна пред израелската публика, а веќе на први октомври ќе има трета изведба во Тел Авив, во еден од најеминентните театри во Израел, Камери театарот.
Изведбата на претставата „Среќен крај“ во Израел претставува сегмент од богатата културна програма која Министерството за култура и Амбасадата на Државата Израел во Република Македонија ја подготвија по повод одбележувањето на 20-годишнината од воспоставувањето на билатералните односи помеѓу Република Македонија и Државата Израел. Исто така, големиот јубилеј помеѓу двете земји, до крајот на годината ќе биде одбележан и со концерт на еден од најистакнатите македонски камерни ансамбли, Скопскиот дувачки квинтет, кој ќе има настап во израелската метропола Тел Авив.
Ново на Сител
-
Беснее пожарот на Јасен, регионалниот пат Македонски Брод - Скопје целосно затворен
-
Тема на денот со Никола Најдовски, градоначалник на Демир Хисар
-
Градежните компании ги билдаат цените на становите, а не го плаќаат цел данок
-
Билјана Ивановска влегува во градоначалничката трка во Центар
-
Министерството за правда и ДИК бараат решение за независните кандидати
-
Младата Вања апелира министерството да обезбеди инсулински пумпи на сите пациенти со дијабетес Т1 на кои им е потребна
-
Судење за екс обезбедувачот на премиерот, се презентираа снимки
-
Македонското малцинство во Бугарија не постои во последниот извештај на Стејт департментот