Ова е моја честитка за Илинден - Бојана Скендеровски со преработка на „Море сокол пие“
Пејачката Бојана Скендеровски на овој голем дел не почести со нејзиниот најнов проект, кој, како што вели, е направен од душа и со душа.
Станува збор за преработката на една од најубавите македонски песни со наслов „Море сокол пие“, која доби верзија во изведба на Бојана.
„Ова е моја честитка за Илинден. Патриот сум во душа, а сега во овие сензитивни времиња за нашата земја и народ во кои сме принудени да го браниме своето и да го докажуваме сето она што е наше и ни припаѓа, се почувствував должна како уметник да го направам овој проект“, вели Бојана и додава дека својата љубов кон родољубивите песни кои често ги пее решила да ја искаже токму преку изведбата на „Море сокол пие“.
„На музиката работеа многу познати инструменталисти на народна музика, сѐ е снимено во живо затоа што сакавме да има душа“, додава Бојана.
Видеото е со потписот на Дарио Јанковиќ, а кадрите се снимани на повеќе локации низ Македонија, и тоа во Мариово, Велес, Кокино, Старо Нагоричане во црквата Св. Ѓорѓи, стара повеќе од 1000 години.
„Овој проект е во чест на сите Илинденци кои го дале својот живот за да ја имаме оваа наша Македонија, која во овие турбулентни времиња мораме да ја сочуваме онаква каква што ни ја оставиле во аманет“, завршува Бојана.
Нека ни е вековит Илинден и Македонија!
Ново на Сител
-
Фондот и финансии тврдат нема проблем, но нема ниту пари на сметките на граѓаните
-
Мицкоски: Ќе дојдам на лидерска и ќе кажам дека уставни измени нема да има
-
Тема на денот со Сефер Селими од Демокраси Лаб
-
САД и ЕУ во нова дипломатска офаназива за смирување на тензиите на сeверот на Косово
-
Шпанија најавува продолжување на позитивниот став за проширувањето
-
Сузбиена меѓународна група за криумчарење на мигранти
-
Спасовски најави ставање во функција на видео надзорот на патиштата
-
Две условни и една ослободителна пресуда за пожарот во модуларната болница во кој загинаа 14 пациенти во Тетово