Откриени можни рани знаци на Паркинсоновата болест
Истражување објавен во медицинско-невролошкото списание „JAMA“, открива симптоми на Паркинсонова болест кои може да се забележат кај пациенти години пред дијагнозата, како што се губење на слухот и епилепсија.
Првата студија од ваков вид во Обединетото Кралство го анализираше невродегенеративното нарушување кај прилично разновидна популација, во обид да се погледне одблизу како болеста влијае на сите типови на луѓе. Истражувачите притоа откриле дека ниту расната припадност ниту социоекономскиот статус не се поврзани со зголемена или намалена опасност од развој на Паркинсоновата болест. Испитувањата спроведен од тим на Универзитетот „Квин Мери“ во Лондон, се сосредоточија на факторите на ризик и знаците пред дијагнозата.
За да го направат тоа, истражувачите анализираа медицински досиеја на повеќе од милион луѓе кои живееле во источен Лондон меѓу 1990 и 2018 година. Резултатите покажале дека оние кои страдаат од епилепсија имаат поголема можност да развијат Паркинсонова болест во подоцнежниот живот.
И покрај фактот што истражувачите наведуваат дека во овој случај не може да се исклучи Паркинсоновата болест предизвикана од лекови, ова не е првпат епилепсијата да се поврзува со ова заболување.
Стручњаците посочуваат дека губењето на слухот може да биде дел од оштетувањето на сетилната обработка што често доаѓа со развојот на оваа болест. Но, оштетувањето се манифестира на различни начини кај различни пациенти – преку видот, слухот, или дури и сетилото за мирис.
Покрај тоа, трудот укажа и на нови трендови во рамките на веќе познатите симптоми… Имено, откриено е дека треморот (тресењето) се појавува и 10 години пред дијагнозата, а проблемите со помнењето – до пет години пред официјалната дијагноза.
Ново на Сител
-
Министерот Лога ја поздравува одлуката на Уставниот суд и очекува судот да постапува ажурно и за останатите прописи
-
Пронајдено лице од Франција кое во неговата земја е пријавено за исчезнато
-
Набавувал хероин кој со брза пошта му бил доставуван во затвор па го препродавал
-
Искуство во Дизниленд Париз: Како Ладна преку својот ликовен конкурс го оствари сонот на децата
-
Судан пријави епидемија на колера, регистриран е 21 смртен случај
-
Ковачевски: Опозицијата има стратегија на постојана блокада, министерот за правда утре во детали ќе го појасни предложениот закон за амнестија
-
Бектеши: На трговците со овошје и зеленчук македонскиот пазар да не им биде резерва за снабдување
-
Познати детали од договорот на Гатузо со Марсеј