Откриен прстенот на Понтиј Пилат: Реликвијата е пронајдена во шеесетите години, но дешифрирана неодамна

Научниците во Израел на прстен пронајден во шеесетите години го дешифрираа името на римскиот префект Јудеја Понтиј Пилат, кој според Евангелието, го осудил Исус Христос на смрт.

Како што пишува Харец, натписот е прочитан дури во наше време, со примена на системот на чистење и специјална техника на фотографирање на прстенот. Како што се наведува, името Пилат во таа епоха било многу ретко.

„Не знам ниту еден друг Пилат од таа епоха, а прстенот укажува на тоа дека се работи за човек на висока позиција“, изјави професорот Дани Шварц.

Како што се претпоставува, прстенот можел да биде користен и како печат и му припаѓал на Пилат и службениците на неговата администрација.