Опожарени два автомобила во Скопје, еден оштетен од огнено оружје

Патничко моторно возило „мерцедес“ со скопски регистарски ознаки, сопственост на И.Т.(49) од Скопје, утрово било опожарено на паркинг на подрачјето на Центар. 

Како што информира МВР, случајот бил пријавен утрово, во 5:50 часот, во СВР Скопје. Од пожарот било зафатено и патничко возило „ауди“ со скопски регистарски ознаки, сопственост на А.Ј. од Скопје. Пожарот бил изгаснат од екипа на Бригадата за противпожарна заштита Скопје, а повредени лица нема.  

Во вториот случај, пак, М.Л.(37) од Скопје вчера, во 15 часот, пријавил во полиција дека неговото патничко возило „киа“ со скопски регистарски ознаки било оштетено од заталкано зрно од огнено оружје. Возилото било паркирано во двор на фирма на подрачјето на Чаир. МВР информира дека бил извршен увид и зрното било подигнато за понатамошна постапка. Се работи на расчистување на случајот.