Оланд: Победата на Ван дер Белен глас за европското единство

Претседателот на Франција Франсоа Оланд ја поздрави победата на Александар Ван дер Белен на претседателските избори во Австрија, оценувајќи дека тоа е глас за европското единство и толеранција. 

- Граѓаните на Австрија ја избраа Европа и отвореноста, рече Оланд.

Претседателот на Франција му ја честита, како што рече чистата и неспорна победа на Ван дер Белен.

По сто отсто преброени гласови на избирачките места, победник на вчерашното повторено гласање на вториот круг од претседателските избори во Австрија е независниот кандидат Ван дер Белен, кој освои 51,69 проценти. Неговиот противкандидат од десничарската Слободарска партија (ФПО) Норберт Хофер освои 48,32 отсто.