Оланд е за останување на Велика Британија, но не по цена на напредокот на ЕУ

Францускиот претседател Франсоа Оланд денеска пред почетокот на самитот на Европската унија изјави дека Франција сака Велика Британија да остане во составот на ЕУ, но оти можниот договор за нејзино останување не смее да го загрози напредокот на Унијата.

Тој нагласи дека Велика Британија треба да остане во ЕУ, но оти мора да ги прифати нејзините начела. Оланд додаде дека ниту една земја не смее да се изземе од заедничките прописи.

- Се надевам дека Велика Британија ќе остане во ЕУ и се надевам дека сите заедно ќе напредуваме и дека никој нема да може да не запре, посочи Оланд.

Претходно, германската канцеларка Ангела Меркел изјави дека сака се да направи за Велика Британија да остане во Унијата.

- Имаме уште работи кои треба да бидат разрешени, но одиме со ставот дека сакаме се да направиме за да создадеме услови Велика Британија да може да остане дел од ЕУ. Од германски аспект тоа е важно, но секако граѓаните на Велика Британија ќе одлучат, посочи Меркел.