Околу сто натпреварувачи на „Раштак треил“

Околу сто млади натпреварувачи учествуваа на овогодинешната планинска трка „Раштак треил“, што беше организирана од Општина Гази Баба во соработка со маратон-клубот „Делта“.

– Раштак е прекрасно место кое преку својата убава природа, претставува одлична локација за спорт и рекреација. Токму тоа беше и целта на овој маратон, преку спортување и дружба да се промовираат на сите граѓани убавините на Раштак и планината Скопска Црна Гора, соопштија од Општина Гази Баба.

Посочија дека планинската трка „Раштак треил“ полека прераснува во нова спортска традиција на Општина Гази Баба.

– Продолжуваме и во иднина да даваме поддршка на вакви спортски настани, со цел да ги поттикнеме младите се повеќе да спортуваат и рекреираат, посочија од Општината.