Околу сто лица можат да бидат во карантин во објектот во Демир Капија
Околу сто лица можат да бидат во карантин во објектот во Демир Капија. Вака одговорија од Министерството за труд и социјална политика, на прашањата на МИА во врска со објектот кој беше спомнат како место за времен престој на граѓани кои доаѓаат од странство и треба да бидат изолирани.
Оттаму информираат дека Депандансот во Демир Капија, што се наоѓа во атарот на село Ергеле, е целосно реновиран и функционален. Соопштуваат дека во редовни услови, овој објект ќе функционира како давател на социјални услуги кои не вклучуваат долгорочно згрижување, како што е одмена на семејна грижа и слично.
– Објектот може да се испразни во многу кусо време и да премине на режим на користење за кризни услови. Поврзано со мерките за превенција и спречување на ширење на КОВИД-19, во објектот ќе бидат сместени лица за кои е потребна изолација. Објектот е целосно подготвен за во него, по потреба, да бидат сместени околу 100 лица, стои во писмениот одговор на прашањата.
Од Министерството појаснуваат дека во објектот е обезбедена пристапност за лица со физичка попреченост, оброците ќе бидат дистрибуирани спакувани во индивидуални порции, а здравствена заштита е обезбедена од мобилни здравствени тимови.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ