Околу 500 мигранти најверојатно загинале неодамна при бродолом во Средоземното Море, соопшти ОН
Околу 500 мигранти најверојатно загинале неодамна при бродолом во Средоземното Море, изјави денеска портпаролката на Високиот комесаријат на ОН за бегалци (УНХЦР) за Јужна Европа Карлота Сами, пренесува БТА.
Соопштението се базира на исказите на 41 Африканци кои неодамна пристигнале во јужниот грчки град Каламата. Спасените мигранти, родум од Сомалија, Судан и Етиопија, рекле дека биле очевидци на голем бродолом во Средоземното Море, при што загинале околу 500 луѓе.
Африканците испловиле од Либија, во близина на Тобрук, со стар, небезбеден брод. Во пловилото имало меѓу 100 и 200 лица. На отворено море тие сретнале поголем брод кој превезувал мигранти. Шверцерите се обиделе да ги префрлат на бротчето, кое потоа се претоварило и се превртело.
Групата од 41 преживеани мигранти вклучува луѓе од помалиот брод, но и од поголемиот, кои успеале да се спасат со пливање. Не е јасно кога се случил наводниот бродолом.
Бродот со преживеаните мигранти бил пронајден во саботата како плови без насока. Во неделата тие пристигнале во Каламата, јужна Грција.
Ако овие информации за голем бродолом со мигранти во Средоземното Море се потврдат, тоа ќе биде уште една голема трагедија и најсмртоносна од почетокот на оваа година.
Ново на Сител
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд
-
Тошковски: Мирен изборен ден