ОЈО: Извршен увид на македонско-грчката граница каде беше пронајден починат мигрант
Јавен обвинител од Основното јавно обвинителство Гевгелија изврши увид на лице место во близина на македонско-грчката граница, каде вчера беше пронајдено безживотно тело на мигрант, информираат од Основното јавно обвинителство.
– Смртта на мигрантот ја пријавиле група други мигранти, според чии тврдења сега покојниот заедно со уште две лица им наплаќале по 800 евра за да ги пренесат од Република Грција во земјава, а потоа со товарен воз кон границата со Република Србија. Кога ја поминале македонско-грчката граница, кај граничниот камен 53, тројцата организатори се скарале меѓусебе при што едниот извадил остар предмет и му задал убод на оштетениот. По ова, дел од мигрантите и напаѓачот избегале од лице место, додека неколкумина останале и се обиделе да му помогнат на оштетениот кој набрзо починал, се вели во соопштението од ОЈО.
Со цел да се утврди фактичката состојба и идентитетот на починатото лице, јавниот обвинител издаде наредба за обдукција, ДНК анализа и споредба на папиларни линии. Кај починатиот бил пронајден документ за престој во Република Грција чија веродостојност се утврдува, како и мобилен телефон кој е даден на вештачење.
Ново на Сител
-
Уапсени 28 лица за продажба на дрога
-
Кој ги “саботира” хируршките клиники?
-
Од денеска полесно до работа во Германија
-
Масовната урбанизација го менува ликот на Охрид
-
Штипјани во хумана акција за прибирање 70 000 евра за лекување на медицинската сестра Сибил Омерова
-
Преглед на вестите од светот
-
Анализа: Криза во Уставен ако во понеделник не се избере наследник на Кацарска
-
Тема на денот Моника Зајкова. претседателката на ЛДП