Огромен астероид ќе мине блиску до Земјата
Астероид доволно голем да уништи цел град викендов ќе помине помеѓу орбитите на Земјата и Месечината.
Објектот наречен 2023 DZ2 е откриен пред еден месец, јавува Би-Би-Си.
Тој денеска ќе помине на оддалеченост од 515.000 километри од Месечината, а неколку часа подоцна ќе помине и покрај Земјата.
Според НАСА, ова е ретка можност за астрономите да го прошират своето знаење за астероидите, што ќе биде корисно во случај во иднина да се открие опасен објект со потенцијал да удри во Земјата.
– Нема шанси овој „убиец на градови“ да удри во Земјата, но фактот што минува толку блиску е одлична можност за набљудување, вели Ричард Моислиз од Европската вселенска агенција.
Додека поминува на растојание од само 68.000 километри, астероидот ќе биде видлив преку двогледи и мали телескопи во целиот свет. Преносот во живо ќе се емитува на страницата „The Virtual Telescope Project.“.
Овој астероид најверојатно ќе се врати во орбитата на Земјата во 2026 година, но научниците велат дека и тогаш нема да претставува закана за нашата планета.
Ново на Сител
-
Вишковиќ: Шмит ќе мора да сведочи во судскиот процес против Додик
-
САД го поздравија договорот за размена на затвореници меѓу Ерменија и Азербејџан
-
Министрите од арапските земји бараат итен прекин на непријателствата во Газа
-
Бајден оди во Калифорнија да собира средства за својата изборна кампања
-
Израел и САД ги отфрлаат повиците за итен прекин на огнот во Газа
-
Киев известува за осум повредени додека Русија продолжува да користи стратешки бомбардери
-
Вања била ставена во вреќа за спиење во подрумот на нејзината зграда
-
ВМРО-ДПМНЕ: Дезертерот Ковачевски ќе биде заменет со нов дезертер