Одобрен турско-либискиот договор, Турција добива пристап до економската зона во Медитеранот
Комисијата за надворешна политика при турскиот Парламент го одобри денеска договорот на Турција со либиската Влада за поморската граница во Средоземно Море, што и овозможува на Турција пристап до економската зона во Медитеранот.
Во текот на денешниот ден за овој договор ќе се изјасни и Парламентот.
Турција минатата недела потпиша договор со либиската Влада на Фајез Сараџ, со седиште во Триполи, која е призната од ОН и контролира некои западни делови од земјата.
Овој договор предизвика расправа во либискиот Парламент, кој се наоѓа на крајниот источен дел од земјата и е под влијание на Либиската национална армија на генералот Калифа Хафтар.
Договорот, исто така, дополнително го заострува веќе постоечкиот спор кој Турција го има со Грција, Кипар и Египет околу правото на експлоатација на нафта и гас во источниот дел на Средоземното Море.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера