Одбиено барањето за одложување на седницата на Апелација, се бара изземање на Судечкиот совет
Судечкиот совет во Апелацискиот суд не го прифати барањето на адвокатите на обвинетите за одложување на седницата на која се одлучува по жалбата на поранешниот премиер Никола Груевски за пресудата во случајот „Тенк“ за набавката на луксузниот „мерцедес“ вреден 600 илјади евра.
Според Судечкиот совет барањето на одбраната не претставува основ за одлагање на јавната седница, појасни судиката Цветанка Периќ.
Адвокатот Штерјо Зиков забележа дека тие мораат да одат на други судења кои се приоритет бидејќи станува збор за притворски предмети. Тој посочи дека сериозно ќе му бидат загрозени правата на Груевски ако седницата се одржи без присуство на неговите четворица адвокати.
Груевски рече дека неговите адвокати мора да одат на другите рочишта кои се водат против него бидејќи во спротивно се соочуваат со високи парични казни. Побара одложување на седницата и закажување на нов термин.
Адвокатот Зиков поднесе и барање за изземање на Судечкиот совет по што судиката Периќ ја прекина седницата за да го достави барањето до претседателот на Апелација.
За случајот „Тенк“, поранешниот премиер Никола Груевски како поттикнувач за извршување на делото е осуден на две години затвор, а поранешниот помошник министер во МВР Ѓоко Поповски на шест години и шест месеци затвор.
Ново на Сител
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o
-
Две лица се здобиле со тешки телесни повреди при извршување работни задачи
-
Двојно убиство попладнево во скопско Стајковци
-
Анкета на ИРИ: 68% од Македонците поддржуваат членство во ЕУ