Од музеј украдена златна копија на модулот, со кој астронаутот Нил Армстронг слета на Месечината
Ретка златна копија на модулот, со кој во 1969 година американскиот астронаут Нил Армстронг слета на Месечината, е украдена од „Нил Армстронг Музејот на воздухопловство и космонаутика“ во неговиот роден град Вапакинета, Охајо, соопшти полицијата.
Станува збор за копија од масивно злато со големина од речиси 13 сантиметри. Експонатот е особен важен поради фактот што во светот постојат само три такви копии. Тие се изработени од француската фирма за накит „Картие“, за секој од тројцата астронаути кои учествуваа во месечевата мисија - Армстронг, Едвин „Баз“ Олдрин и Мајкл Колинс. Им биле подарени во Париз, малку по нивното враќање од историската мисија, забележува ТАСС.
Армстронг, кој почина во 2012 година на 82 години, е првиот човек стапнал на Месечината.
Од полицијата велат дека вредноста на експонатот не може да се измери. Градската полициска служба работи на истрагата во соработка со ФБИ и Канцеларијата за криминални истраги на Охајо.
Ново на Сител
-
Д-р Пановски: Во Македонија има пет пати поголема смртност од коронавирус од просекот во светот
-
ВМРО-ДПМНЕ: Филипче не може да избегне одговорност
-
АПЕЛ ЗА ПОМОШ: Нашите 100 денари за Кристијан значат живот на нозе
-
Арсовски: Заев спроведува демакедонизација преку Георгиевски и Бучковски
-
Гевгелискиот кризен штаб бара да се воведе полициски час на територијата на Општината
-
Филипче: Следната недела ќе одлучуваме дали се потребни дополнителни рестриктивни мерки
-
Филипче: Тоа што со сигурност го знаеме е дека сите кинески вакцини ќе стигнат наеднаш
-
Кина може до јуни да произведе вакцини за 40 отсто од граѓаните