Од денеска до петок во Србија повик за бојкот на пет големи трговски синџири поради високи цени

Здружението за заштита на потрошувачите во Србија, „Ефектива“ ги повика граѓаните од денеска до петок, 14 февруари, да ги бојкотираат петте големи трговски синџири. Како што истакнуваат од тоа здружение, успех ќе се постигне доколку приходите се намалат за една третина.

Зборувајќи за резултатите од претходниот бојкот, Дејан Гавриловиќ од Ефектива за ТВН1 изјави дека е забележан пад на приходите од 37 отсто, по што е упатен повик до трговците, добавувачите и до државата да направат нешто конкретно.

Бидејќи немало никаква реакција, а добиле информација дека дури и зголемиле цени, Гавриловиќ рече дека следел повик за петдневен бојкот.

„Ако успееме да ги намалиме приходите за една третина, тогаш би можеле да зборуваме за успех и дека може да се случи нешто конкретно. Потрошувачите известуваат дека некои трговци ги покачиле цените и дека сега, викендот пред бојкотот, продавниците пукаат од попусти на продажбата. Не сме задоволни од овие акции, сакаме трајно намалување на цената“, објаснува Гавриловиќ.

Како што наведе, флашираната вода во Србија е поевтина на Малта, а кафето направено во Србија е поевтино отколку во Шведска.

„Тоа што се произведува во Србија е поевтино во околината“, посочува тој.

Петте трговски синџири цел на бојкотот, според него, држат повеќе од половина од пазарот.

„Ако ги принудиме да ги намалат цените, сите други ќе мора да следат. Ако има пад на приходите за една третина, тоа ќе биде успех“, изјави Гавриловиќ.

„Доколку нема конкретна реакција и по овој бојкот, заедно со потрошувачите ќе донесеме одлука да бојкотираме оделни трговци на мало на подолг период, со цел да ги принудиме да ги намалат цените“, велат од Ефектива.

Петте главни трговски синџири се Delhaize Group, Mercator Group, “DIS”, “Lidl” и “Univerexport”. Србија се приклучи на бојкотот на земјите во регионот: Хрватска, Црна Гора, Босна и Херцеговина и Северна Македонија, кои исто така повикаа да се избегнува пазарење во големите супермаркети.