Објавена причината за несреќата во Словенија
Автобуската несреќа која се случи рано утрото на Помурска магистрала ја предизвикал возачот на автобусот со романски ознаки, кој според досега собраните информации извртел десно од патот и автобусот се превртел во канал, соопшти словенечката полиција.
Во автобусот имало 26 патници и тројца возачи. Три лица загинаа на лице место, а три се тешко повредени, соопштија надлежните од Полициската станица Мурска Собота, јавува словенечката агенција СТА.
Сообраќајната несреќа на релација Ганчани-Липовци во правец на Мурска Собота се случила околу 5 часот рано утринава, а во автобусот имало и странски државјани, соопшти локалната полиција. На лице место на повредите им подлегнале тројца сопатници, две сопатнички и еден сопатник, а тројца се згрижени во болница со посериозни повреди, изјави на прес Сузана Раус, претставник за односи со јавноста на полициската управа Мурска Собота. изјава.
Според неа, полицијата се уште прибира информации за несреќата, а истрагата за несреќата ја води истражен судија кој наредил вонреден технички преглед на автобусот и вештачење на возачот.
Според портпаролката на полицијата, засега нема информации за националноста на патниците. Се проверуваат и извештаите каде се движат. Според досега познатите податоци, меѓу патниците немало деца.
Поради сообраќајната незгода подолго време беше затворена Помурската магистрала помеѓу клучката Ганчани и Липовци во правец на Марибор.
Ново на Сител
-
МВР: Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо