Објавен идентитетот на бомбашот од Тексас

Американските медиуми го објавија идентитетот на осомничениот бомбаш кој постави неколку експлозивни направи во Остин.

Марк Ентони Кондит загина откако активира направа кога полицајците му се приближија за време на потера северно од главниот град на Тексас.

Кондит (23) живеел во Остин и се претпоставува дека поставил бомби на неколку локации во градот. Тој живеел со цимери, кои се на сослушување во полиција.

Американскиот претседател Доналд Трамп изјави дека бомбашките напади се „дело на болен човек“. Од почетокот на март беа активирани пет бомби, при што едно лице загина, а повеќемина беа повредени.

Полицијата го истражува мотивот за нападите, додека медиумите наведуваат дека бомбашот на интернет изнесувал радикално десничарски ставови.