-->
-->
Обичајот под маски Ѕвегорска сурва во пијанечкиот крај
-->
Ѕвегорските суроваскари од утрово го бркаат лошто од Пијанец. Околу 70 маски како дел од Ѕвегорската сурва ја започнаа својата игра во делчевски Ѕвегор, продолжувајќи го живото наследство и вековна традиција.
И оваа година локалниот обичај под маски се одржува на стариот и автентичен начин со традиционалните маски на зет и невеста и алудирајќи на свадбена поворка како театар на отворено, тие ги посетуваат домовите на сите жители на ова село благословувајќи ги и извикувајќи „сурова“.
Сурова значи зелена, здрава нова година, вели фолклористот Димитар Узунски, кој повеќе од две децении го следи овој локален обичај, а на денешниов ден, Василица, испраќа порака - овој обичај под маски да се издигне во карневал.
![](/sites/default/files/styles/large/public/article/images/2016/january/132984399.gif?itok=nZ69LwMi)
- Во овој период поминале многу маски, но целта останува иста, задржана е основата на овој обичај. Генерации и генерации ѕвегорци, правеле најразлични маски, но задолжително ја има невестата, зетот, попот, белаците, кои ја чуваат невестата да не биде предвреме откриена, мечката која благословува за здравје, старата баба која асоцира на старата година што изминала.... рече Узунски.
Тој ги повика сите да се вложат овој обичај да прерасне во карневал по примерот на Ратевските бамбурци, бидејќи уште одамна по бројот и значењето на маските, етнолозите ја окарактеризирале Ѕвегорската сурва како пијанечко Вевчани.
Ѕвегорската сурва е вековна традиција и живо наследство кое жителите на Ѕвегор самоиницијативно ја продолжуваат и ја одржуваат почитувајќи ја традицијата оставена од нивните предци. Годинава таа се реализира со поддршка на Општина Делчево и од спонзори.
-->
-->
-->
Ново на Сител
-
АХВ поради нерегуларности во работењето казни месарница, маркет и ресторан
-
Базел ќе биде домаќин на Евровизија во 2025 година
-
Столтенберг ја одобрува украинската офанзива во Русија, тврди дека НАТО не учествува и не ја планирал
-
Дилери затекнати при препакување марихуана во Тетовско
-
Нов напад со нож во Германија: Шест лица се повредени, тројца критично
-
САД одобрија продажба на ракетен систем ХИМАРС на Хрватска
-
На „Табановце“ и „Богородица“ зголемена фрекфенција на возила
-
Претпладне сончево, попладне нестабилно со пороен дожд и грмежи