Обама, Меркел, Оланд и Камерон разговараа за Сирија

Американскиот претседател Барак Обама вчера разговараше со лидерите на Германија, Франција и Велика Британија околу договорот за прекин на непријателствата во Сирија, соопшти Белата куќа.

За време на видео конференциската врска, Обама со германската канцеларка Ангела Меркел, францускиот претседател Франсоа Оланд и британскиот премиер Дејвид Камерон го поздрави постигнатиот договор во Минхен на почетокот од месецов.

Четворицата лидери „ги повикаа сите страни за целосно применување на договорот“, истакнувајќи го „значењето на прекинот на произволното бомбардирање на цивилното население“, се додава во соопштението.