Обама кон крајот на месецов во историска посета на Хирошима

Барак Обама ќе биде првиот американски претседател кој ќе го посети јапонскиот град Хирошима, што е уништен во воздушниот напад од страна на САД пред 71 година.

- Претседателот ќе замине во историска посета на Хирошима заедно со јапонскиот премиер Шинѕо Абе, со цел да ја изрази својата поддршка за мирот и безбедноста во светот без нуклеарно оружје, истакна портпаролот на Белата куќа, Џош Ернест.

Белата куќа ја исклучи можноста дека Обама ќе се извини за бомбардирањето на Хирошима.