Нуркачите први ја честитаа Новата година: Подводна елка атракција на дното на Охридското езеро
Охридските нуркачи и годинава кај Заливот на коските во ледената вода на Охридското езеро, ја продолжија 15 години долгата традиција и накитија новогодишна елка и први си честитаа Нова година.
Новогодишната елка која се гледа и од површината на водата, е поставена на длабочина од околу 4 метри. Во нејзиното китење учествуваа членовите на нуркачкиот клуб „Амфора“ и клубот за подводни активности „Охрид“ во соработка со Сојузот за подводни активности на Македонија.
Китењето на подводната елка охридските нуркачи и оваа година им го посветија на децата со ретки болести.
Ним им помагаа и најмладите членови на овие нуркачки клубови, а за награда од Дедо Мраз добија подароци и пакетчиња.
-Упативме апел за помош и под вода извадивме знаме со поддршка за децата со ретки болести. Ние од клубот за подводни активности „Охрид“ и нуркачкиот клуб „Анфора“ први под вода со шампањско во рака си ја честитавме Новата 2017 година. На сите граѓани им посакуваме многу здраве, успех и подобар живот, рече д-р Горан Балески од клубот за подводни активности „Охрид“.
Новогодишната елка во Охридското езеро стана своевидна туристичка атракција, така што речиси да нема жители и посетители кои престојуваат во древниот град, а не го виделе ова чудо под вода.
Популарно од Македонија
Ново на Сител
-
Српскиот претседател со апел до демонстрантите да не блокираат градови во државата
-
Зголемување од 2,3 проценти на запишани студенти во 2024/2025 во однос на претходната академска година
-
Бесент: Околу 100 земји ќе се соочат со царини од 10 проценти
-
Трамп вели дека е разочаран од Путин, денеска ќе разговара со Зеленски
-
Од денеска помалку метеж на „Табановце“, стартува системот One Stop за интегрирана гранична контрола
-
Претставување на невестата и зетот на годинашната Галичка свадба
-
Сончево и многу топло, температурата до 40 степени
-
Поради штрајкот на француските контролори на летање откажани повеќе од 1.500 летови
