Ново зеленило на улицата „Питу Гули“ на Водно

Општина Центар почна со обновата на зеленилото на улицата „Питу Гули“ на Водно. На површина од 600 метри квадратни се врши озеленување со зимзелени и листопадни декоративни растенија.

На овој простор, прецизираат од општината, ќе се садат околу 200 зимзелени и листопадни грмушки кои ќе ја стабилизираат косината, како и магнолија и шест листопадни чадорести дрва.

На целата локација ќе биде поставен автоматски систем за полевање и ќе бидат реконструирани тротоарите.