Ново финале за Ѓорческа во сингл

Македонската тенисерка Лина Ѓорческа (3.носител) успеа да се пласира во финалето на фјучрсот во Штутгарт откако во првото полуфинале ја победи Германката Ана Заја (8.носител) со 2-0 во сетови. Во дуелот на двете носителки Ѓорческа ја потврди добрата форма и по вчерашниот убедлив триумф во четвртфиналето и денеска брзо стигна до победата.

Мечот траеше 67 минути, а двата сета нашата тенисерка ги доби со 6:4 и 6:2 во гемови. Ѓорческа имаше четири брејка во мечот, а противничката само еден.

Утре во финалето ќе игра со подобрата од второто полуфинале Пети Шнидер (Швајцарија) – Далила Јакупович (Словенија).

Денеска Ѓорческа ќе го игра и финалето во игра на двојки со Флоренција Молинеро ќе играат против Аминат Кушхова (Русија) и Диана Сумова (Чешка).