Новата сириска влада ги предупреди граѓаните да не крадат јавен имот

Раководството на воените операции на сириските опозициски групи денеска издаде соопштение во кое ги предупредува граѓаните да не крадат јавен имот.

– Секој што ќе земе јавен имот мора да го предаде во најблиската полициска станица во рок од најмногу седум дена, се вели во соопштението и се додава дека секој што прикрива имот ќе одговара, пренесе Ал Џезира.

Се нагласува дека се што е земено мора да се врати за да се обнови работата на сите институции за изградба на нова Сирија.

Сириските бунтовници зазедоа неколку клучни градови во Сирија, вклучувајќи ги Алепо, Хама и Хомс, во брзата офанзива што почна на 27 ноември.

Москва соопшти дека Асад ја напуштил земјата по преговорите со бунтовниците и оти наредил мирен трансфер на власта.