Новата цел на Маск: Брз интернет во целиот свет
Компанијата Спејс-Икс на Илон Маск има нова цел - да осигура поголем пристап до брз интернет во целиот свет. За таа цел, тие работат на специјални сателити, од коишто првите два беа лансирани вчера во орбита на Земјата.
Сателитите Микросат-2а и Микросат-2б се доста помали од стандардните сателити, и ќе може да бидат стационирани на пониска височина, бидејќи оние што се поставуваат повисоко, создаваат проблеми во конекцијата.
Новите сателити ќе бидат на висина меѓу 1.100 и 1.325 километри, и ќе покриваат мала територија - 1.060 километри радиус. Тоа, како што тврдат стручните лица, ќе овозможи побрз и поефикасен интернет, но за тоа, од Спејс-Икс сметаат дека ќе им требаат вкупно 4.425 сателити за целиот свет.
Реализирањето на проектот вклучува и многу други технологии, како што е - ласерска комуникација меѓу сателитите, за поефикасна координација и за да не си пречат меѓусебе, а и на останатите вселенски објекти. Рокот на траење на еден вештачки сателит ќе биде меѓу пет и седум години.
Маск очеква до средината на наредното десетлетие, проектот да работи во полн погон.
Ново на Сител
-
Невреме со силен ветар, дожд и град попладнево го зафати кумановскиот регион
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Тема на денот со Миле Маркоски декан на ФЗНХ
-
Приватните специјализанти уште еднаш потсетија за нивните барања за поголеми плати и осигурување
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника