Нова демократија ја критикува грчката Влада за насилните простести

Портпаролот на грчката опозициска партија Нова демократија, Јоргос Кумуцакос, ја критикуваше Владата за нејзиниот неуспех да ги спречи насилните протести пред атинскиот Политехнички универзитет, во кои маскирани лица фрлаа молотови коктели, стапови и камења врз полицијата.

Како што јави дописникот на МИА од Атина, тој истакна дека грчката Влада „мора конечно да воспостави ред“.

- Бесрамни лица го запалија грчкото знаме. Нема азил за оние кои ги вандализираат симболите и сопственоста на еден цел народ, рече Кумуцакос.