Нов сојуз на крајната левица во Шпанија пред изборите во јуни

Нов сојуз на крајнолевите партии во Шпанија беше формиран под името Унидос Подемос, пред парламентарните избори закажани за 26 јуни.

Целта на сојузот е да се разбие политичката парализа во државата по декемвриските избори.

Партиите кои влегоа во парламентот не успеаја да се договорат за формирање владина коалиција.

Лидерите на Подемос и помалата Обединета лева партија синоќа објавија за сојузот. Според аналитичари, новиот сојуз може да добие повеќе гласови и парламентарни места од Социјалистичката апртија.

Шпанските гласачи го променија традиционалниот двопартиски изборен систем на четири со гласовите од 20 декември. Конзервативната Народна партија беше прва, втори беа Шпанската социјалистичка работничка партија, Подемос беа трети и пробизнис партијата Суидаданос – четврти.