Нов пораз на македонските одбојкари од Естонија

Македонската одбојкарска репрезентација синоќа загуби од Естонија со 3:1 во сетови на гостински терен. Ова е втор пораз за нашите одбојкари во рамките на годинашнава сезона од Европската лига и вторпат загубивме од Естонија.

По сетови натпреварот заврши: 25:21; 25:21 и 27:29 и 25:21.

За разлика од првиот дуел (75:46 на поени за Естонија одигран во петокот) Македонија одигра подобро и во третиот сет нашитеодбојкари сетот го добија со 29:27 и спасија една меч топка во овој сет.

Од групата А синоќа се одиграа и дуелите: Израел и Данска 3:0 и Полска – Австрија 3:2.

Табела: Полска 10 бодови, Австрија 8, Естонија 6, Израел 3, Данска 3, Македонија 0.

Следен противник на Македонија ќе биде селекцијата на Израел, а двата натпревара се играат во Скопје на 18 и 19.јули.