Нов лик ќе добие римскиот театар во Стоби

Нов лик ќе добие римскиот театар во археолошкиот локалитет Стоби. Во тек се интензивни градежни работи за конзервација на објектот. Предвидено е до гледалиштето да се стигнува преку внатрешниот коридор и по реконструкцијата театарот ќе има капацитет до 3 илјади гледачи.

Во Стоби интензивно се работи и на отворање на центарот за посетители кој ќе биде сместен во старата железничка станица. Центарот ќе располага со музеј, лапидариум и конференциска сала.

Во археолошкиот локалитет Стоби лани имало над 15 илјади посетители.