Норвешка вети една милијарда евра за поддршка на Украина
Норвешка вети дека ќе обезбеди финансиска поддршка од 1 милијарда евра за Украина за да ја зајакне нејзината одбрана, да им помогне на сиромашните и да помогне во обновата по руската инвазија.
Норвешкиот премиер Јонас Гар Стоере вчера во Киев изјави дека Норвешка сака да ја изрази својата солидарност со борбата за опстанок на Украина.
-Тука сум да кажам дека украинската борба не е само за Украина. Станува збор за некои основни принципи на светот што ќе ги понудиме на нашите деца. Се работи за безбедноста во Европа, за судбината на вашиот сосед, рече Стоере на заедничка прес-конференција со украинскиот претседател Володимир Зеленски.
-Ќе донираме една милијарда евра за поддршка на вашата земја и вашиот народ за остатокот од 2022 година и за 2023 година. Оваа војна е кршење на меѓународното право… Вие имате право да се браните и ние имаме право да помогнеме да се одбраните, додаде Стоере.
На прашањето дали Норвешка е подготвена да го зголеми својот придонес во снабдувањето со гас во Европа, Стоере рече дека Норвешка веќе произведува „максимално“ можно количество гас, но дека ќе направи се што е во нејзина моќ за да го испорачува.
Зеленски рече дека е неопходно да се продолжи да се врши притисок врз Русија за да се стави крај на војната.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија