Нормализиран сообраќајот на А2 крак Маврово - Стража

Сообраќајот на патниот правец А2 крак Маврово – Стража од 20:00 часот се одвива нормално, откако е исчистен одронот.

Како што информираат од „Македонија пат“ одронот се случи на два километри пред планинскиот превој.

Екипите на „Македонија пат“ работеа на расчистувањето, а додека траеја работите сообраќајот се одвиваше по една коловозна лента со присуство на сообраќајна полиција.