Њујорк пост: Не е исклучена можноста за координирани напади врз црквите

Шефовите на главната пожарникарска служба на градот Њујорк (ФДНУ) истражуваат за тоа дали пожарот врз Соборната црква Свети Сава на Менхетн е поврзан со пожарите во православни цркви во Австралија и Русија, објавено е денеска на сајтот на „Њујорк пост“, кој се повикува на неименувани извори. 

Истите извори објасниле дека не е исклучена можноста дека станува збор за координирани напади врз православната вера, наведува њујоршкиот весник. 

-Сакаме да утврдиме дали постои каква било врска (меѓу пожарите), изјавил извор близок со истрагата, додавајќи дека претставниците „пробуваат да добијат информации од прва рака“, од црквите во Австралија и Русија. 

Неименуваните извори констатирале дека пожарите избиле во ист ден и дека црквите во кои се случиле припаѓаат на иста вера.