Никотин или кофеин, што носи поголем ризик?
Професорот Нистром нагласи дека е важно да се направи разлика помеѓу опасностите од пушењето тутун и консумирањето на никотин без чад и согорување.
Никотинот несомнено предизвикува значителен ризик од зависност, меѓутоа, акутните ефекти врз класичните фактори на ризик за кардиоваскуларни болести, како што е крвниот притисок, се поголеми од консумирањето кофеин отколку од никотинот, рече Фредрик Нистром, професор по интерна медицина на Универзитетот Линкопинг во Шведска, на XXI Меѓународен конгрес за клиничка кардиологија и срцева слабост, CardioS 2023, одржан во Белград.
На конгресот, професорот Нистром презентираше студија која ги покажува ефектите на никотинот и на кофеинот по консумирање обилен оброк. При користење никотин (преку конзумирање на никотински кесички), крвниот притисок се зголемил за околу 3 mmHg, нивото на кортизол, т.н. хормон на стрес, се зголемил, додека потрошувачката на енергија останала непроменета во споредба со плацебо тестот (без никотин). Зголемувањето на крвниот притисок со внесот на никотин било помало од она што било забележано со внесот на кофеин кај здрави субјекти.
Интересно е тоа дека зголемувањето на кортизолот (хормонот на стрес) може да го активира механизам за зголемено внимание и фокусирање, што е клинички добро познат краткорочен ефект на овој хормон. Исто така, краткорочното зголемување на кортизолот кај корисници на никотин било многу помало во споредба со она при силна физичка активност, покажуваат испитувањата. Дополнително, како што вели професорот, забележан е ефектот на никотинот на намалување на телесната тежина, намалување на апетитот, како и на зголемена потрошувачка на енергија.
Како заклучок, професорот Нистром нагласи дека е важно да се направи разлика помеѓу опасностите од пушењето тутун и потрошувачката на никотин без чад и согорување.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка