Непозната дрога заплената на аеродромот „Ататурк“ во Истанбул
Досега непозната дрога во Турција е заплената од полицијата на истанбулскиот аеродром „Ататурк“. Само килограм од овој наркотик, кој е во вид на прав, бил доволен за да се произведат 900 килограми синтетичка дрога, соопштија аеродромските власти.
Дрогата била откриена во чанта на една патничка, која пристигнала со авион од Хонгконг. Дежурната екипа на аеродромот од Дирекцијата за борба против шверц на дрога се посомневала во патничката и побарала проверка на нејзината чанта. Биле пронајдени три кутии, во кои бил ставен наркотикот.
Жената тврдела дека кутиите содржат протеин во прав, а лабораториските анализи покажале дека станува збор за нов вид на дрога, која во Турција не е позната. Патничката е приведена, а истанбулската полиција во соработка со своите колеги во Хонгконг водат истрага за откривање на испраќачот на дрогата.
Ова е една од најголемите наркооперации на полицијата на аеродромот „Ататурк“. Вредноста на пратката изнесува околу 3,7 милиони евра.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат