Нема загинати во земјотресот во Индонезија, оштетени околу 350 куќи
Речиси 350 куќи се оштетени во вчерашниот земјотрес со јачина од 7,4 степени во Индонезија, јави ДПА, повикувајќи се на портпарол на Националната агенција за управување со катастрофи.
Седум лица се повредени, но нема загинати, изјави портпаролот Абдул Мухари. Помош од владата за сместување по земјотресот, регистриран на околу 100 километри од градот Маумере во источниот дел на земјата, побарале 770 луѓе.
Земјотресот го погоди островот Флорес, а два часа подоцна беше издадено предупредување за цунами.
Архипелагот сe уште го памети земјотресот од 26 декември 2004 година со јачина од 9,1 степени во близина на Суматра, кој предизвика големо цунами. Во тоа време, 220.000 луѓе загинаа во регионот, од кои речиси 170.000 во Индонезија. Повеќе од 550 луѓе загинаа во 2018 година од силен земјотрес што ги потресе островите Ломбок и Сумбава. Земјотрес со јачина од 7,5 степени според Рихтеровата скала го погоди островот Сулавеси таа година, при што загинаа најмалку 4.300 луѓе. Стотина луѓе загинаа во јануари во земјотресот со јачина од 6,2 степени според Рихтер на островот Сулавеси, кој уништи многу згради во крајбрежниот град Мамузу.
Ново на Сител
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош
-
Амбер Алерт: Кои чекори треба да ги преземете ако вашето дете исчезне?
-
КСЗД го презентираше извештајот за минатата година
-
Две лица осомничени за поткуп – се чека притвор за врховниот судија
-
Почнува процесот на прегласување за парламентарните избори