Неискористените дози вакцини Израел им ги испраќа на други држави
Израел најави дека на Палестинците и некои други земји, како Хиндурас, земјата која во Ерусалим сака да отвори амбасада, ќе им испрати „ограничено количество на неискористените дози од вакцината против Ковид-19“.
Еврејската држава засега е светски рекордер според бројот на вакцинирани граѓани, бидејќи веќе има ревакцинирано три милиона свои жители со вакцините на „Фајзер“/„БиоНТек“, што претставува речиси третина од населението.
На 19 декември Израел ја почна големата и брза кампања за вакцинација, по обезбедениот договор со „Фајзер“ што овозможи таму да се испорачаат милиони дози од вакцината во замена за биомедицинските податоци за нејзиното влијание врз популацијата.
„Израел доби бројни барања за помош од земјите кои бараат вакцини“, се наведува во соопштението на кабинетот на премиерот Бенјамин Нетанјаху, додавајќи дека Израел не е во можност да даде „значајна“ помош пред крајот на својата кампања на вакцинација.Но, се додава во соопштението „со ограничено количество неискористени вакцини собрани во последниот месец“, земјата одлучи да му помогне на медицинскиот персонал на палестинските власти и на неколку земји и да им испрати симболично количество вакцини“.
Во последните неколку недели Израел веќе испрати илјадници дози вакцини на окупираниот Западен брег за палестинскиот медицински персонал.
Според Обединетите нации и невладините организации, Израел „како окупаторска сила“ е должен да обезбеди вакцини за 2,8 милиона Палестинци на окупираниот Западен брег и за два милиони жители на Појасот Газа, кои живеат под израелска блокада.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп