Неготино без вода за пиење до 19 часот, се отстранува дефект на водоводната мрежа

Во текот на денешниот ден  поради отстранување на дефекти на главната водоводна мрежа,  граѓаните на Неготино  немаат вода за пиење во периодот од 09 до 19 часот до кога, според проценките на стручните лица, дефектите се очекува да бидат отклонети и водата да протече во водоснабдителниот систем.

- Како што информираат од ЈП Комуналец-Неготино,  детектирани се вкупни тро поголеми дефекти на главната водоводна мрежа преку која водата од Лукар доаѓа до домовите на неготинци, од кои 2 се на територијата на Кавадарци и 1 е лоциран над селото Тимјаник, појаснија од локалната самоуправа.   

По отстранувањето на дефектите, најавија дека состојбата со водоснабдувањето ќе се стабилизира.