Не бев поканет на обраќањето на Пендаровски, тврди Мицкоски
Неканет гостин е недобредојден гостин. Не бев поканет ниту на инагуарацијата, а не бев поканет ниту на ова годишно обраќање на господинот Пендаровски, бидејќи првиот пат беше грешка на протоколот, а сега ќе слушнеме претпоставувам нешто слично без да има никаква одговорност, одговори денеска лидерот на ВМРО-ДПМНЕ Христијан Мицкоски, одговарајќи на новинарско прашање зошто не присуствувал на годишното обраќање на претседателот Стево Пендаровски во Собранието.
– Така што лицемерието е на максимум, едно се зборовите, едно е реториката, она што го слушнавме може да кажам дека е една бледа копија на она што ние како ВМРО-ДПМНЕ го зборуваме, но испораката за жал ја нема. На кратко не бев поканет и затоа не присуствував на обраќањето на господинот Пендаровски, рече лидерот на опозицијата.
На прашањето како го коментира орбаќањето на Пендаровски, кој повика на граѓанско помирување, но и прочистување на судството, Мицкоски нагласи дека тој во обраќањето на шефот на државата не чул конкретна понуда за решавање на посочените проблеми.
– Видете многу е едноставно да се констатира што не е во ред како дијагноза, но прашањето е тие луѓе што имаат можност каков рецепт за надминување на таа дијагноза нудат. Но, јас не слушнав од обраќањето каква било понуда, освен неколку работи кои што ги ископирал од она што ние го говориме недели наназад, поврзано со одговорност не само на судии и обвинители, туку и на политичари, нивни семејства, поврзано со лошото функционирање на судовите, обвинителствата, изјави Мицкоски.
Ново на Сител
-
Зеленски повика на инвестиции во украинската одбранбена индустрија
-
Утрото постудено, преку денот сончево со умерена облачност
-
Пентагон соопшти дека почнала изградбата на привремено пристаниште во Појасот Газа
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи