НБА: Продолжува серијата на ЛА Клиперс
Кошаркарите на Лос Анџелес Клиперс одиграа уште еден импресивен меч, го декласираа Бруклин 127:95 и ја задржаа лидерската позиција во НБА лигата.
Клиперси против Бруклин ја запишаа десеттата победа (седма во низа) во единаесеттиот натпревар од почетокот на сезоната. Тимот на Док Риверс е лидер во НБА првенството. Крис Пол (21 поен, девет асистенции) и Блејк Грифин (20 поени) го предводеа тимот до победата.
Џејмс Харден блескаше против Филаделфија и најави дека ќе им биде сериозен конкурент на Леброн Џејмс, Расел Вестбрук, Ентони Дејвис и Стеф Кари во борба за МВП наградата.
Харден во триумфот на Хјустон 115:88 имаше учинок од 33 поени, десет асистенции и седум скока.
Лидерот на Оклахома, Расел Вестбрук во Детроит мечот го заврши со 33 поени, 15 скокови и осум асистенции, но не успеа да го однесе тимот до победа. Детроит и без најдобриот свој играч, Андре Драмонд, славеше 104:88.
На другите натпревари Бостон загуби од Њу Орлеанс 105:106, Њујорк го победи Далас 93:77, Индијана со добра одбрана го скрши Орландо 88:69, Сан Антонио победи против Мајами 94:90, а Јута загуби од Мемфис 96:102.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО