НБА лига: Победа за шампионот, порази на Кливленд и Сан Антонио

Кошаркарите на Голден Стејт брзо се вратија на победите во неделниот пораз од Лос Анџелес Лејкерс и ноќеска на домашен терен го совладаа Орлнадо. Ова за нив беше 45.та победа во серија пред своите навивачи во регуларниот дел од сезоната со што го минаа рекордот на Чикаго Булс од сезоната 1995/96. Стеф Кари постигна 41 поен и стана првиот играч со постигнати 300 и повеќе тројки во сезона. Воедно по поразот на Сан Антонио од Индијана сега единствено Голден Стејт има едноцифрен број на порази – 6.

Пораз на домашен терен забележа и лидерот во Источната конференција Кливленд, кој загуби од Мемфис. Леброн Џејмс постигна 28 поени и со тоа се проби на вечната листа на стрелци на 13.то место со 26.406 поени. Воедно го мина Џон Хавличек - 26.395, а пред него сега е Доминик Вилсон со 26.668 поени.