НБА: Денвер славеше во Торонто
Српскиот центар Никола Јокиќ го реши дербито на лидерите во Источната и Западната конференција во НБА лигата. Денвер Нагетс гостуваа кај Торонто Репторс и забележаа победа 106:103.
Јокиќ ги постигна последните три поени на мечот од линијата за слободни фрлања. Откако на седум секунди до крајот на мечот Каваи Ленард го израмни резултатот на 103.103, Серж Ибака направи глупав фаул врз Јокиќ, во ситуација кога топката беше надвор од теренот.
Денвер добија слободно фрлање од топка од страна, Јокиќ го реализира слободното, а потоа уште еднаш беше фаулиран и од линијата за слободни го постави конечниот резултат.
Српскиот кошаркар натпреварот го заврши со трипл-дабл од 23 поени, 11 скока и 15 асистенции. Јокиќ го забележа 18. трипл-дабл во кариерата.
Покрај него кај Денвер се истакнаа уште и Џамал Мареј со 21, односно Хуанчо Ернангомез и Малик Бизли со по 15 поени. Торонто го предводеше Ленард со 27 поени и осум скока.
Денвер со 16 победи и седум порази се лидери на Западот додека Торонто со скор 20/5 го предводат Истокот.
Ново на Сител
-
Три лица полесно повредени во собраќајка на патот Струмица-Радовиш
-
Возило излетало од патот Прилеп - Скопје кај кавадаречко Раец
-
Гаши за Сител: Стана традиција Албанец да е претседател на Собрание
-
На 30 јуни непосредни внатрепартиски избори за претседател на СДСМ
-
Бендевска: Преговорите меѓу ЗНАМ и ВМРО-ДПМНЕ се во крајна финална фаза
-
Верижен судир кај Долно Косоврасти, повредено лице пренесено во болницата „Свети Еразмо“
-
Сиљановска Давкова: Преспанскиот договор е правен акт и реалност, ќе го почитувам
-
Мицкоски на средба со пратениците од ВМРО-ДПМНЕ и Коалицијата „Твоја Македонија“