Македонија
11. February 2023 - 8:34

Наутро студено, преку ден сончево со температура до 10 степени

Времето денеска во утринските часови ќе биде многу студено, а преку ден сончево со мала локална облачност. Ќе дува слаб до умерен ветер од северен правец.

Минималната температура ќе биде во интервал од -12 до -4, а максималната од 3 до 10 степени.

Во Скопје, ќе биде многу студено, а преку денoт сончево со мала облачност. Ќе дува слаб до умерен ветер од северен правец. Минималната температура ќе се спушти до -8, а максималната ќе достигне до 7 степени.

За недела, синоптичарите најавуваат зголемена облачност и умерен до засилен северен ветер, како и услови за локален слаб снег на планините.

Од понеделник следува период на стабилно време со пораст на утринските и дневните температури.