Настрадал жител од населба Илинден додека возел велосипед

И.П. (66) од Скопје настрада вчера, возејќи велосипед на улицата „2“ во населбата Илинден, соопшти полицијата.

Незгодата се случила во 9:40 часот кога во И.П. удрило теренско моторно возило „Мерцедес  Бенз“ со скопски регистарски ознаки, управувано од А.Б. (27) од село Цветово, Скопско.

По несреќата, И.П. со возило на Итна медицинска помош бил пренесен во Ургентниот центар но, во 18.30 часот им подлегнал на повредите.

Увид на местото на настанот изврши екипа од СВР Скопје.