НАСА: Во минатото на Марс имало езера
Научници на американската Национална аеронаутичка и вселенска администрација (НАСА) сметаат дека во минатото на површината на Марс имало езера, кои постоеле во период од неколку илјади години, објави магазинот „Сајнс“.
Според НАСА, повеќе локации на Марс, како што е кратерот Гејл, кој е со дијаметар од 154 километри, во минатото биле покриени со води, кои постоеле доволно долго за во нив да се формираат живи организми.
Еден од раководителите на проектот за истражување на Марс, „Кјуриозити“, научникот Џон Гроцингер од Калифорнискиот технички институт, вели дека ваквиот заклучок е извлечен врз основа на анализите кои покажале дека на површината на кратерот Гејл има седиментни карпи, што укажува дека тука во подолг период имало вода.
Според него, таа вода најверојатно потекнувала од дождови или од топењето на мраз.
- Штом имаме податоци за постоење на езера, тоа може да биде аргумент во полза на теоријата за можноста за постоење на живот (на Марс), вели Гроцингер.
Кон крајот на септември НАСА објави дека дошла до сознанија за постоење на вода на Марс.
Сепак научниците од Администарцијата посочија дека не станува збор за реки или мориња, туку само за хидрати - соединенија кои содржат молекули на вода.
Тие оценуваат дека оваа вода потенцијално би можела да биде средина во која би се развил живот.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера