Направи хаос на Клинички: Змија се пикна кај трудниците

Во Клиничкиот центар во Подгорица вчера настана вистинска драма кога на четвртиот кат, на одделението за Гинекологија е пронајдена змија. Биле повикани пожарникари кои дошле околу 16 часот и го фатиле смокот.

Персоналот дознал дека змијата се пикнала во нивното одделение откако еден Подгоричанец кој дошол во посета на пациент, ја забележал во ходникот.

-Излегов од болничката соба во ходник сосема случајно зошто ми заѕвони телефонот. Се шокирав кога во ходникот ја видов свиткана шарената змија. Таа не мируваше долго, туку се упати во блиската просторија, односно библиотеката, чија врата беше отворена. Не можев да верувам во тоа што го гледав. Веднаш потоа ја повикав медицинската сестра, која вреска кога ја виде и повика пожарникари, вели тој.

За среќа пожарникарите брзо дошле и ја фатиле змијата која се скрила под плакарот во библиотеката.

-Змијата со посебна штипка е тргната и ставена во тегла. Станува збор за смок кој не е отровен, велат од пожарникарската служба.

Директорката на Клиничкиот центар Зорица Ковачевиќ вели дека не знае како змијата дошла на четврти кат, но и дека тие брзо реагирале.

-Според моите сознанија, ова е првпат вакво нешто да се слчучи во Клиничкиот центар. Кој знае од каде влегла и каде се била, вели Ковачевиќ.